Skjöl frá danska ríkisskjalasafninu

Í danska stjórnkerfinu varð til gríðarlegt magn skjala sem snertu svokölluð Íslandsmálefni. Í utanríkisráðuneytinu danska var gögnum varðandi Ísland safnað í sérstakar möppur. Þar kennir ýmissa grasa. Öllu var safnað sem var talið hafa þýðingu varðandi samskipti Íslands og Danmerkur og sérstaklega því sem snerti sjálfstæðistilburði Íslendinga. Þar má nefna lýsingar á umræðunni á Íslandi, viðhorfi einstakra stjórnmálamanna, blaðagreinar o.fl. Þessi gögn voru síðan túlkuð af starfsfólki í dönsku stjórnsýslunni. Nú hefur hluti þessara gagna verið gerður aðgengilegur. Um er að ræða skjalagögn frá árinu 1907-1944. Alls er hér um að ræða 7.736 myndir af skjölum úr 12 skjalaöskjum sem skannaðar voru af Danska ríkisskjalasafninu. Myndirnar voru svo afhentar Þjóðskjalasafni Íslands í tilefni af 100 ára afmæli fullveldisins. Gögnunum er raðað í tímaröð þannig að innan hverrar öskju eru yngstu málin fremst en þau elstu aftast.

Gjörðabækur Dansk-íslensku ráðgjafanefndarinnar 1919-1947

Inngangur

Gjörðabækur Dansk-íslensku ráðgjafanefndarinnar 1919-1947. Samkvæmt Sambandslagasamningnum átti nefnd, skipuð þremur mönnum frá Íslandi og þremur frá Íslandi að taka til umfjöllunar öll þau mál sem kæmu fram á þjóðþingum landanna og snertu báðar þjóðirnar. Hér er um að ræða danska hluta nefndarinnar. Gjörðabók íslenska hluta nefndinnar er varðveitt á Þjóðskjalasafni Íslands.

Riksarkivet. 1789. Dansk-Islandsk Nævn I

Forhandlingsprotokoller for danske afdeling 1919-1947.

Skjöl um Ísland
í danska utanríkisráðuneytinu

Inngangur

Í danska utanríkisráðuneytinu tíðkaðist að safna saman gögnum sem snertu mál einstakra hópa eða ríkja í svokölluð safnmál. Íslandsmál voru í einum slíkum flokki. Hér má sjá margs konar gögn sem tengjast með einum eða öðrum hætti sambandi Íslands og Danmerkur. Danska utanríkisþjónustan gerði sér far um að fylgjast vel með málum, bæði á Íslandi og eins víða um heiminn. Sendifulltrúar Dana sendu heim skýrslur, blaðaúrklippur eða annað, sem þeir töldu að gæti haft þýðingu fyrir dönsk stjórnvöld.

Hér eru birtar myndir úr 11 skjalaöskjum sem snerta allar íslensk málefni á árabilinu frá um 1907-1947.

Riksarkivet. Udenrigsministeriet. Gruppeordnede sager 1909-1945. 9-1